Penne al'arrabiata er einfaldur pastaréttur sem rífur aðeins í bragðlaukana. Uppistaðan er "penne" pasta og tómata- og chilisósa. Blandan með ferskum basil kom mér mjög skemmtilega á óvart fyrst þegar ég prófaði.
Undirbúningur: 15 mín. Heildartími: 30 mín.
Undirbúningur: 15 mín. Heildartími: 30 mín.
Innihald
 |
| Penne al'arrabiata |
6 msk. matarolía (ólívuolía eða repjuolía)
2 stk. gulir chili (fínsaxaðir)
2 hvítlauksgeirar (saxaðir)
handfylli af basillaufum
600 g niðursoðnir tómatar
salt eftir smekk
400 g penne pasta
parmesan eftir smekk
Aðferð
Hitið matarolíuna á stórri pönnu og bætið chili og hvítlauk út á. Látið malla í eina mínútu og bætið síðan við basillaufunum. Hrærið þeim varlega saman við. Takið blönduna af pönnunni og leggið til hliðar. Setjið tómatana nú á pönnuna og síðan blönduna saman við. Látið malla í a.m.k. 10 mínútur, þar til sósan hefur þykknað sæmilega. Bætið við salti eftir smekk.
Sjóðið pastað á sama tíma í stórum potti með söltu vatni með slurki af ólívuolíu. Hellið vatninu af pastanu og hellið sósunni yfir. Stráið parmesan yfir og berið á borð.
Engin ummæli:
Skrifa ummæli